Ақтөбе облысы Кәсіпкерлік басқармасының ұжымы сенбілікке қатысты

Ақтөбе облысы Кәсіпкерлік басқармасының ұжымы дәстүрлі сенбілікке үлкен ықыласпен қатысып, қоғамдық аумақтарды тазарту мен абаттандыруға өз үлесін қосты.

Сенбілік барысында қоғамдық аумақтардан қураған жапырақтар, қоқыс пен бұтақтар жиналды. Ерекше назар тұрғындар көп жүретін орындарға, сондай-ақ жасыл желектерге аударылды. Нәтижесінде бұл аумақтар әлдеқайда жинақы әрі тартымды күйге енді.

Мұндай бастамалар тек қаланың экологиялық жағдайын жақсартуға ғана емес, сонымен қатар ұжымдық рухты нығайтып, қоршаған орта мен қоғамдық кеңістіктерге жауапкершілікпен қарауды қалыптастыруға ықпал етеді.