Ақтөбе облысы бойынша азық-түлік тауарларына баға белгілеудің бүкіл тізбегі бойынша делдалдық схемаларды тергеу жөніндегі комиссияның отырысы өтті

Бүгін облыс әкімдігінің ғимаратында облыс әкімінің орынбасары А. Есенбаевтың төрағалығымен Ақтөбе облысы бойынша азық-түлік тауарларына баға белгілеудің бүкіл тізбегі бойынша делдалдық схемаларды тергеу жөніндегі комиссияның отырысы өтті. Оған ЖАО, сауда және тұтынушылардың құқықтарын қорғау департаменті, бәсекелестікті дамыту және қорғау агенттігі, Экономикалық тергеу департаменті және т. б. өкілдері қатысты.
Отырыс барысында Ақтөбе қаласының кәсіпкерлік бөлімі мен Ақтөбе облысының сауда және тұтынушылардың құқықтарын қорғау департаменті басшыларының "су тасқыны кезінде әлеуметтік маңызы бар азық-түлік тауарларына бағаның көтерілуіне жол бермеу бойынша атқарылған жұмыстар туралы"баяндамалары тыңдалды.
Отырыс қорытындысы бойынша аудандар мен Ақтөбе қаласының әкімдеріне, сондай - ақ сауда және тұтынушылардың құқықтарын қорғау Департаментінің, кәсіпкерлік басқармасының өкілдеріне, комиссия мүшелеріне-өнімсіз делдалдарды анықтау жөніндегі жұмысты күшейтуге, әлеуметтік маңызы бар азық-түлік тауарларына сауда үстемелерін сақтау жөніндегі мониторингтік топтарға, ретро-бонустарды қолдануға жол бермеуге және т. б. бірқатар тапсырмалар берілді.
Сонымен қатар, аталған отырыста проблемалық мәселелер қаралып, ұсыныстар енгізілді.