Ақтөбе сауда нүктелерінде ӘМАТ бағасының кешенді мониторингі жүргізілді.

Қала әкімінің өкімімен Ақтөбе қаласының аумағында ішкі сауда субъектілерінің әлеуметтік маңызы бар азық-түлік тауарларына шекті сауда үстемесін сақтауын бақылау және өнім өндіруші болып табылмайтын делдал жеткізушілерді анықтау жөніндегі жұмыс тобы мен аумақтық кеңес құрылды.

26 тамыз күні жұмыс тобы мен кеңес мүшелері қаладағы сауда нүктелерінде ӘМАТ бағасына кешенді мониторинг жүргізді.

Мониторингтің мақсаты – қала тұрғындары күнделікті тұтынатын әлеуметтік маңызы бар азық-түлік тауарларына баға тұрақтылығын сақтау, сондай-ақ делдалсыз сатылым үлесін арттыру.

Талдау нәтижесінде тиісті ұсынымдар әзірленіп, сауда субъектілерімен бағаларды сәйкестендіру, ашық әрі әділ баға саясатын ұстану бойынша түсіндіру жұмыстары жүргізілді. Аталған жұмыс алдағы уақытта да тұрақты түрде жалғасын табатын болады.