«Бетбұрыс» жобасының қатысушылары жобаның аяқталуына дейін тағы бір шеберлік сағатына қатысты.

«Бетбұрыс» – кәсіпкер әйелдерге шабыт беретін жоба!

20 тамыз күні «Бетбұрыс» жобасының алғашқы легінің түлегі, бүгінде тігін саласында табысты кәсіпкер атанған Эльмира Ахаева өз тәжірибесімен бөлісіп, жобаның бесінші легінің қатысушыларын қонаққа шақырды. Кездесу барысында ол өзінің кәсіпкерлік жолы туралы әңгімелеп, қатысушыларға құнды кеңестер берді.

Сонымен қатар, жоба қатысушылары үшін ерекше мүмкіндік туды – олар «Ақтөбе» телеарнасының «Көп нүкте»бағдарламасына арнайы қонақ ретінде шақырылды. Эфирде өз кәсіптері жайында баяндап, жобаның дамуына қосқан үлесімен бөлісті. Бұл әйелдер үшін тек маңызды тәжірибе ғана емес, жаңа жетістіктерге бастар қадам болды.

Бұл күн – тәжірибе алмасуымен қатар, кәсіпкер әйелдерге жаңа серпін беріп, олардың болашаққа деген сенімін нығайтқан ерекше шара болды!