Ақтөбе облыстық мәслихат төрағасы Гүлқасима Сүйінтаева, аудан әкімі Нұрлыбек Унербаевтың, сондай-ақ облыстық және аудандық мәслихат депутаттары мен мекеме басшыларының қатысуымен жиын өтті.

Жиын барысында Қарғалы ауданы бойынша «Amanat» партиясының «Халықпен бірге!» атты 2023–2027 жылдарға арналған сайлауалды бағдарламасын орындау жөніндегі жол картасы талқыланды.

Күн тәртібіндегі негізгі мәселе – жол картасында көрсетілген міндеттердің орындалу барысын үйлестіру, өңірдің әлеуметтік-экономикалық дамуын қамтамасыз ету, тұрғындардың әл-ауқатын арттыруға бағытталған нақты шараларды жүзеге асыру болды.

Аудан басшысы өз сөзінде тұрғындардың өмір сапасын жақсартуға, жаңа жұмыс орындарын ашуға, инфрақұрылымды дамытуға және әлеуметтік саланы қолдауға ерекше назар аударылатынын атап өтті.