Халық арасында сыбайлас жемқорлыққа қарсы саясатты түсіндіру мақсатында Қарғалы ауданының тұрғындарымен семинар өткізілді.

2025 жылдың 29 шілде күні «Ақтөбе облысының ішкі саясат басқармасы» ММ-нің мемлекеттік әлеуметтік тапсырыс аясында «Атамекен» студенттер отрядттарының жастар қоғамдық бірлестігінің ұйымдастыруымен, халық арасында сыбайлас жемқорлыққа қарсы саясатты түсіндіру мақсатында Қарғалы ауданының тұрғындарымен кездесіп, семинар өткізілді.

Семинар барысында спикерлер: Сыбайлас жемқорлыққа қарсы волонтерлар Шаңғытбаев Нұржан Құрманғалиұлы және Тағанов Еркебулат Серикұлы сыбайлас жемқорлықтың алдын-алу жемқорлыққа қарсы мәдениет пен сананы қалыптастыру мақсатында түсіндіру жұмыстарын жүргізді. Сыбайлас жемқорлыққа қарсы мәдениет түсінігі, құрылымы, міндеттері мен функциялары жайында ақпараттар беріліп, жиынға қатысушылардың ұсыныс-пікірлері тыңдалды.

Топ мүшелері жиын соңында аудан тұрғындарына құқықтық және проблемалық мәселелері бойынша азаматтарға арналған қоғамдық қабылдау жүргізіп, сауалдарына жауап берді.
Сондай-ақ, ауданға жасаған жұмыс сапары аясында сыбайлас жемқорлыққа қарсы волонтерлар Қарғалы ауданындағы құрылыс жұмыстары ұзаққа созылған , сонымен қатар мемлекеттік тапсырыс негізінде салынған көпқабатты тұрғын үй кешендеріне және көше аралық жолдардың жөндеу жұмысына мониторинг жүргізді.