Аудандарға бірлескен жұмыс сапарлары жалғасуда!

Аудандарға бірлескен жұмыс сапарлары жалғасуда!

Өңірлік кәсіпкерлер палатасы мен облыстық мәслихат арасындағы ынтымақтастық туралы меморандум аясында облыс аудандарына жұмыс сапарлары жалғасуда. Негізгі мақсат – жергілікті кәсіпкерлермен ашық диалог орнатып, ауыл кәсіпкерлігіндегі жүйелі мәселелердің шешу жолдарын бірлесіп қарастыру.

📍 Бұл жолы жұмыс тобы Қарғалы ауданына барып, «Медовик» шаруа қожалығының омартасын, Елеусізовтер отбасының жылыжай шаруашылығын, «АкТеп» ЖШС-нің заманауи көкөніс қоймасын, «Моя семья» наубайханасы мен «Ақжол» жол бойы дәмханасының жұмысымен танысты.

Кәсіпкерлер бірқатар өзекті мәселелерді көтерді:
🔸 омарташылық саласын мемлекеттік қолдау қажеттілігі;
🔸 жылыжай шаруашылығын дамыту және картоп өсіруге арналған жер телімдерін кеңейту;
🔸 әлеуметтік маңызы бар азық-түлік өндірушілері үшін электр энергиясының тарифтерін төмендету;
🔸 жол бойы сервисі саласындағы кадр тапшылығы.

Көтерілген барлық ұсыныстар мен проблемалық мәселелер бақылауға алынды. Олар Палата сарапшыларының қатысуымен жергілікті атқарушы органдармен және облыстық мәслихаттың бейінді тұрақты комиссияларында жан-жақты қаралатын болады.