Қарғалы ауданында құқықтық мәдениетті нығайтуға бағытталған кездесулер өтті

Қарғалы ауданында құқықтық мәдениетті нығайтуға бағытталған кездесулер өтті

Қазақстан Республикасы Конституциясының 30 жылдығына орай Қарғалы ауданында құқықтық мәдениетті көтеру, азаматтардың заңға деген сенімін арттыру мақсатында түсіндіру іс-шаралары жалғасуда.

Аудан әкімдігі, құқық қорғау органдары мен мемлекеттік мекемелердің өкілдері Степной ауылдық округінде тұрғындармен кездесіп, ашық пікір алмасты.

Жиында құқық бұзушылықтардың алдын алу, қоғамдық тәртіпті сақтау, отбасылық құндылықтарды дәріптеу мәселелері талқыланды. Әсіресе жастардың құқықтық сауатын арттыру, оларды зиянды әдеттерден қорғау жөнінде нақты ұсыныстар берілді.

Кездесуге келген азаматтар көкейінде жүрген сұрақтарын қойып, сала мамандарынан толыққанды жауап алды. Сонымен қатар, аудандық орталық аурухананың жылжымалы медициналық кешені ауыл тұрғындарына тегін тексеру жүргізіп, кәсіби медициналық кеңес ұсынды.