🌳Қарғалы ауданы көрікті табиғаты, тарихи-мәдени мұрасы және табиғи ландшафттарымен ерекшеленіп, туризмді дамытуға айтарлықтай әлеуетке ие.

🌳Қарғалы ауданы көрікті табиғаты, тарихи-мәдени мұрасы және табиғи ландшафттарымен ерекшеленіп, туризмді дамытуға айтарлықтай әлеуетке ие. Облыс әкімі Асхат Шахаров ауданға жұмыс сапары барысында туристік жобалардың жүзеге асырылу барысымен танысып, бұл саланы әрі қарай дамыту қажеттігін айтты.
 
🏕️Шәмші Қалдаяқов ауылында кәсіпкер Айнагүл Исалиева этнотуристік жобаны қолға алған. Аумағы 1 гектар жерге бір киіз үй тігілген, бақылау алаңы жасақталған, атқа міну қызметтері ұсынылуда. 2026 жылға қарай тағы бес киіз үй орнату, сақ моншаларын ашу және этностильдегі балалар лагерін ұйымдастыру жоспарлануда.
 
💭«Мұндай бастамалар тек мәдениетті дәріптеп қана қоймай, ауылдық аумақтарға жаңа экономикалық серпін береді. Қарғалы ауданы тартымды туристік бағытқа айналуға барлық мүмкіндіктерге ие», – деді Асхат Шахаров этнотуристік аймақтың жағдайымен танысып, кәсіпкер Айнагүл Исалиевамен жобаның даму жоспарларын талқылау барысында.
 
📌Айта кетейік, Қарғалы ауданында туризмді дамыту жіті бақылауда. Әкім сондай-ақ «Қасқыр» сарқырамасына және Qargaly Eco Resort туристік кешеніне байланысты маңызды инфрақұрылымдық жобалардың жүзеге асырылуын бағамдады. Бұл жобалар көлік қолжетімділігін едәуір жақсартып, туристер ағынын арттыруға мүмкіндік береді.
 
Мәселен, сарқырамаға апаратын кірме жол құрылысына 500 млн теңге бөлінді, мердігер – «Шымкентдорстрой» ЖШС. Жобаның жалпы құны – 1,2 млрд теңге. Qargaly Eco Resort туристік кешеніне апаратын жол құрылысына да жобалық-сметалық құжаттама мен сараптама қорытындысы дайындалып, құзырлы органдардың қарауына берілді. Бұл жобаның құны да шамамен 1,2 млрд теңгені құрайды.
 
🔸Ащылысай ауылдық округінде «Қасқыр» сарқырамасы маңында «Байқұла» ЖШС экотуризмді дамыту бойынша ірі жобаны жүзеге асыруда. Кәсіпкер сегіз ағаш үй, екі глэмпинг, 15 тапчан тұрғызып, катамарандар, қайықтар мен квадроциклдер сатып алған. Кафе, үйлер мен монша құрылысы аяқталды. Сонымен қатар, құны 50 млн теңге болатын тоған балығын өсіру бойынша инвестициялық жоба іске асырылған.

🔹Қарғалы ауданы табиғи сұлулық, мәдени дәстүрлер және заманауи демалысты дамыту тәсілдері үйлескен ішкі туризмнің келешегі зор бағытына біртіндеп айналып келеді.