Жаңадан тағайындалған аудан әкімінің алғашқы жұмыс кездесуі

Ырғыз ауданының әкімі Рүстем Өтешов аудандық мекемелер мен кәсіпорын басшыларымен алғашқы жұмыс кездесуін өткізді.

Кездесу барысында ауданның әлеуметтік-экономикалық даму барысы, салаларда атқарылып жатқан жұмыстар және алдағы кезеңге арналған міндеттер талқыланды.

Аудан әкімі жұмыс бағыттарымен танысып, өзекті мәселелерге назар аударды.

Сонымен қатар, тұрғындардың өтініш-тілектеріне жедел әрі сапалы жауап беру, мемлекеттік және әлеуметтік қызметтердің сапасын арттыру, сондай-ақ берілген тапсырмалардың уақытылы әрі сапалы орындалуын қамтамасыз ету жөнінде нақты міндеттер жүктеді.

Рүстем Баймырзаұлы ауданның әлеуметтік-экономикалық дамуына бағытталған жұмыстарды бірлесе атқарып, белгіленген міндеттердің нәтижелі орындалуы маңызды екенін атап өтті.