Ақтөбе облысы Ырғыз ауданы Құмтоғай селолық округі

Құмтоғай – Ырғыз ауданының солтүстік бағытындағы елді мекен. Ырғыз өзені бойында орналасқан. Ауылдың іргетасы 1985 жылы қаланған. Аудан орталығынан 120 км, Ақтөбеден 325 км. 1985 жылдан Киров атындағы кеңшардың, қазір Құмтоғай ауылдық округінің орталығы. Құмтоғай ауылдық округіне Құмтоғай, Қарасай, Қарақұдық  елді мекендері кіреді, жалпы халық саны 1013 адам тұрады. «Самара-Шымкент» тас жолынан Құмтоғай ауылына дейінгі ара қашықтық 26 км. Ырғыз өзенінің ауыл орналасқан тұсы ертеректе ит тұмсығы батпайтын тоғайымен, өзен тасығанда ағыспен көшіп қонатын құмымен ерекшеленіпті. Сондықтан жер атауы «Құмтоғай» деп аталған.