HR Enbek порталында жұмыс берушілер үшін жаңа функциялар іске асырылды
Жұмыс берушілердің назарына!
Департамент хабарлайды: еңбек шарттары туралы мәліметтерді Еңбек шарттарын есепке алудың бірыңғай жүйесіне (ЕСЕБЖ) енгізу барлық жұмыс берушілер үшін міндетті болып табылады. Сонымен қатар, еңбек шарттарын тіркеу мерзімдеріне және жүйеге енгізілуге тиіс міндетті мәліметтер тізбесіне қатысты заңнама талаптарын сақтау қажет.
ЕШЕАБЖ-ге қандай мәліметтер міндетті түрде енгізіледі?
Қазақстан Республикасы Еңбек және халықты әлеуметтік қорғау министрінің 2020 жылғы 3 қыркүйектегі № 353 бұйрығына сәйкес, ЕСЕБЖ-ге мынадай мәліметтер енгізіледі:
қызметкердің ЖСН-і;
жұмыс берушінің ЖСН-і/БСН-і;
лауазымы және еңбек функциясы;
жұмысты орындау орны;
еңбек шартының мерзімі;
жұмысқа кірісу күні;
еңбек шартының күні мен нөмірі.
Жоғарыда көрсетілген мәліметтердің кез келгенінің болмауы мәліметтердің толық енгізілмеуі болып есептеледі.
ЕШЕАБЖ-ге мәліметтер қандай мерзімде енгізілуі тиіс?
Осы № 353 бұйрықпен ЕСЕБЖ-ге мәліметтерді енгізудің мынадай мерзімдері белгіленген:
жаңа еңбек шарты – қол қойылған күннен бастап 5 жұмыс күнінен кешіктірмей;
еңбек шартына енгізілген өзгерістер мен толықтырулар – 15 күнтізбелік күннен кешіктірмей;
қызметкерді жұмыстан шығару туралы мәліметтер – 3 жұмыс күнінен кешіктірмей.
Жоғарыда көрсетілген мерзімдердің бұзылуы Қазақстан Республикасының Әкімшілік құқық бұзушылық туралы кодексінің 98-бабына сәйкес әкімшілік жауапкершілікке және айыппұл салуға әкеп соғады.
Салық төлеушінің кабинетіне ай сайын еңбек шарттары (ЕШ) мен міндетті зейнетақы жарналары (МЗЖ) бойынша сәйкессіздіктер туралы хабарлама келіп түседі. Аталған хабарлама тек ақпараттық сипатқа ие және оған жауап беру талап етілмейді.
Қазақстан Республикасы Еңбек және халықты әлеуметтік қорғау министрлігі мұндай хабарламаларды айына бір рет жолдайды. Бұл жұмыс берушілерге Еңбек шарттарын есепке алудың бірыңғай жүйесінде (ЕСЕБЖ) тіркелген еңбек шарттарының санын бақылауға және міндетті зейнетақы жарналары (МЗЖ) және әлеуметтік аударымдар (ӘА) туралы деректермен сәйкессіздіктер анықталған жағдайда, оларды уақтылы сәйкестендіруге мүмкіндік береді.
Бүгінгі таңда HR Enbek еңбек ресурстары порталында келесі мүмкіндіктер қолжетімді:
2026 жылғы 24 шілдеден бастап жұмыс берушілерге HR Enbek порталында мынадай мәліметтерді енгізу мүмкіндігі берілді:
әскери қызмет өткеру кезеңіндегі жұмыста болмауы;
мемлекеттік және қоғамдық міндеттерді орындау кезеңіндегі жұмыста болмауы;
жұмыстан шеттетілуі;
жыл сайынғы ақы төленетін еңбек демалысы.
Сонымен қатар, «Әлеуметтік демалыстар» бөлімі «Уақытша жұмыста болмау» бөлімі болып қайта аталды.
Сондай-ақ, «Жұмыспен қамту нысаны» өрісінде вахтааралық демалыс режимін көрсету мүмкіндігі енгізілді.
Жұмыс берушілер жүйеге мәліметтерді уақтылы енгізуді және олардың өзектілігін тұрақты негізде қамтамасыз етуі қажет.