Мәртөк кәсіпкерлері ашық диалог барысында өз мәселелерін тікелей көтерді

Ақтөбе облысының Кәсіпкерлік және индустриалдық-инновациялық даму басқармасының басшысы Досжан Әлібеков Мәртөк ауданына жұмыс сапарымен барып, жергілікті бизнес өкілдерімен кездесті. Жиынға аудан әкімі Медет Ысқақов, «Даму» қорының және екінші деңгейлі банктердің өкілдері қатысты.

Кездесудің негізгі мақсаты — өңір басшысының тапсырмасына сәйкес кәсіпкерлердің өзекті мәселелерін жеке-жеке тыңдау және мемлекеттік қолдау шараларындағы соңғы өзгерістерді түсіндіру болды.

Ашық форматта өткен диалог барысында кәсіпкерлер өз ұсыныстары мен сұрақтарын еркін жеткізіп, тиісті сала өкілдерінен нақты жауаптар алды.