«Ақтөбе» арнайы экономикалық аймағында ҚР Парламенті Сенаты Қаржы және бюджет комитетінің депутаттарымен кездесу өтті

Жұмыс сапары аясында делегация АЭА қызметімен және іске асырылып жатқан жобалармен танысты.

Кездесу барысында АЭА-ның өңір экономикасындағы рөлі мен инвестициялық әлеуеті кеңінен таныстырылды. Бүгінде «Ақтөбе» АЭА өңірдің импортқа тәуелділігін төмендетуге және өңдеу өнеркәсібін дамытуға бағытталған маңызды индустриялық алаң ретінде қалыптасуда.

Сондай-ақ, жиын барысында жаңа Салық кодексіне енгізілген өзгерістер, оның ішінде қосылған құн салығына қатысты мәселелер талқыланды.