Құрметті Хромтау ауданының тұрғындары!
Соңғы кезеңдерде аумақта алаяқтықтар, яғни бөтеннің мүлкін алдау немесе сенімді теріс пайдалану жолымен жымқыру деректері көбеюде.
Мысалға, Хромтау қаласының тұрғыны аз-т К. «Колеса» жарнама сайтынан «Лада-Приора» көлігін таңдап, телефон арқылы оны алатын болып келісіп, сатушының ұсынуы бойынша алдын ала төлем ретінде 340 мың теңге «Qiwi»-кошелек арқылы аударып жіберген. Кейін бұл жарнама жалған болып шығып, ақшасы қайтарусыз қалды.
Осыған ұқсас, Хромтау қаласының тұрғыны аз-т Ж. белгісіз адам қоңырау шалып, өзін «Еуразиялық банк» қызметкері ретінде жалған таныстырып, алдау арқылы банкомат карточкасының ПИН және CVV-кодтары туралы мәліметтерін алып, есеп-шотынан 201 мың теңге қаражатын шешіп алған.
Алаяқтықтардың кең таралған әдістерінің ішінде:
- өзінің банк карточкасын жоғалғаны туралы алдап, банк карточкасы және СМС-код мәліметтерін алу арқылы;
- интернет-дүкендер немесе жарнама сайттар арқылы алдын-ала төлем жасаумен арзандатылған бағамен заттарды ұсыну;
- бөгде тұлғалардың жеке куәлік және банк карточкасы арқылы онлайн-кредит рәсімдеп беру;
- ақшаны салу арқылы тез арада байыту туралы уәде беру.
Осыған байланысты, осы мазмұндағы ұсыныстар түскен жағдайларда мұқият тұлғалардың жеке бастарын анықтап, кеңестер алып, «102» телефонына хабарлау қажет.