Көктемнің келуін, табиғаттың жаңаруын білдіретін ерекше мереке – Наурыз.

Бұл – береке мен бірліктің, жаңару мен жақсылықтың бастауы саналатын Ұлыстың ұлы күні.

«Наурызнама» онкүндігі – халқымыздың бай салт-дәстүрі мен ұлттық құндылықтарын ұлықтайтын маңызды кезең. Бұл күндері қоғамда татулық пен ынтымақ дәріптеліп, адамдар бір-біріне ақжарма тілектерін арнайды.

Мереке қарсаңында үлкендерге құрмет көрсетіліп, қайырымдылық шаралары ұйымдастырылып, ізгілік пен мейірімділікке ерекше мән беріледі.

Сондай-ақ Наурызнама аясында ұлттық ойындар өткізіліп, мәдени-көпшілік іс-шаралар ұйымдастырылып, дәстүрлі тағамдар дайындалады. Бұл – халқымыздың бай мәдениеті мен әдет-ғұрпын кеңінен насихаттайтын мерекелік кезең.