Еліміздің барлық мектептерінде оқу жылы аяқталуға жақын.

Еліміздің барлық мектептерінде оқу жылы аяқталуға жақын. Биыл 3,9 миллионнан астам оқушы оқу жылын аяқтаса, 215 мыңнан астамы – 11-сынып түлектері.

Білім беру саласындағы маңызды бастамалардың бірі – Мемлекет басшысының тапсырмасымен жүзеге асырылып жатқан «Келешек мектептері» ұлттық жобасы. Жоба аясында еліміз бойынша 217 заманауи мектеп пайдалануға берілді. Оның 84-і ауылдық елді мекендерде орналасқан.

Бүгінде «Келешек мектептерінде» 220 мыңнан астам оқушы білім алып, 16 мыңға жуық педагог еңбек етуде. Заманауи білім ордалары оқушыларға сапалы білім алуға, жан-жақты дамуға және қолайлы білім беру ортасында білім алуға мүмкіндік беруде.