Өңір басшысы Асхат Берлешұлы Шахаров пен облыстық мәслихат төрағасы Гүлқасима Рамазанқызы Сүйінтаева төрағалығымен облыстық мәслихаттың ХХ сессиясы өтті.

Басқарма басшысы Мақсатов Нұржан Сұлтанғалиұлы мәслихат сессиясында 2025 жылға арналған облыстық бюджетті нақтылау мәселесі туралы баяндады.

Бюджет нақтылау бюджеттік бағдарлама әкімшілері ұсыныстары негізінде 18,5 млрд. теңгеге жүргізілді.

Мемлекет басшысының тапсырмасын орындау мақсатында облыстық драма театры ғимаратының құрылысын бастау, әлеуметтік сала нысандарын күрделі жөндеуден өткізу, газ бен сумен жабдықтау, әлеуметтік нысандарды материалдық-техникалық жарақтандыру, ауыл шаруашылығы мен кәсіпкерлік субъектілерін субсидиялауға бағытталған.

Бюджетті нақтылау ең бастысы халықтың өмір сапасын көтеруге, әлеуметтік сұрақтарды шешуге және жалпы өңіріміздің дамуына бағытталған.