«Салафизм батпақ сияқты, кірсең шығу қиын»: намазхан жігіттің мұңы

Қазір ол дәстүрлі исламға бет бұрғанын айтады.
Тұрар Шәріпов – жат ағымның шырмауына түсіп, туған-туыс, отбасынан айрылған жандардың бірі. 6 жыл бойы сәләфиттік бағытты ұстанған жігіт өмірінің сол кезеңін батпаққа балайды. Петропавл қаласының тұрғыны өзегін өртеген өкініші жайында Azattyq Rýhy тілшісімен бөлісті.

– Сәләфиттік бағытқа қалай тап болдыңыз?
– 2013 жылы өз бетіммен діни білім ала бастадым. Ең басты қателігім – ақпаратты мешіт пен имамдардан емес, интертен пен «ахилардан» іздедім. Сәләфиттік ағымда жүрген жігіттер бірін-бірі осылай атайды. «Аға, бауыр» деген мағына ретінде. Ол кезде жасым 26-да еді. Жұрт қатарлы отбасым: әйелім мен балаларым болды. Құрылыста жұмыс істедім. Салынып жатқан нысандардың бірінде «ахилармен» кездесіп, таныстым. Оларға өзімнің дінге бет бұрып, намаз оқи бастағанымды айттым. Мені жақын тарта бастады, өз бригадаларына ауыстырып алды. Бірге жұмыс істеп, бірге тамақтанып, бірге намаз оқи бастадық. Барлығы 6 адам едік. Олар Исламның хақ жолы – сәләфиттік бағыт екенін айтты. Мен жаңа достарымның ақылына иландым.

Эльмира Мәмбетқызы, СҚО

Ақпарат көзі: https://azattyq-ruhy.kz/interview/4100-salafizm-batpak-siiakty-kirsen-shygu-kiyn-namazkhan-zhigittin-mun-y