Халықаралық балаларды қорғау күніне орай қызықты квест-ойындар өткізілді

1 маусым – Халықаралық балаларды қорғау күніне орай Ақтөбе облысы дін істері басқармасының тапсырысы бойынша «Жарық» ҚБ ұйымдастыруымен діни бірлестік қызметкерлерінің балаларын «Factoria» ойын-сауық орталығында қызықты квест-ойындар мен лазертаг командалық сайыстар ұйымдастырылды.

Шара барысында балалар түрлі ойын тапсырмаларын орындап, бірлік пен бауырмалдықтың, төзімділік пен сабырдың не екенін ойын арқылы сезінді.Мұндай іс-шаралар тек көңіл көтеру емес, сонымен қатар жас ұрпаққа адамгершілік, достық, жауапкершілік сынды құндылықтарды сіңіруге бағытталған.

Ата – аналар шара соңында өз тарапынан ұйымдастырушыларға ризашылықтарын білдіріп, алғысын айтты.