Ақтөбеде «Қазақстандағы ІТ нарығы» тақырыбында кездесу өтті

2025 жылғы 18 маусымда Ақтөбе облысының цифрлық технологиялар басқармасының бастамасымен «Қазақстандағы ІТ нарығы» тақырыбында кездесу өтті. Іс-шара Мемлекет басшысының бастамасымен жарияланған «Жұмысшы мамандықтарының жылы» және «Еңбек адамы» қағидаттарын жүзеге асыру аясында ұйымдастырылды.

Кездесуге жоғары және орта оқу орындарының студенттері мен оқытушылары, сондай-ақ ақпараттық технологиялар саласының мамандары қатысты. Ашық форматта өткен басқосуда Қазақстандағы ІТ нарығының қарқынды дамуы, цифрлық мүмкіндіктерді тиімді пайдалану жолдары мен осы саладағы жаңа трендтер жан-жақты талқыланды.

Сонымен қатар, қатысушылар цифрлық кәсіпкерлік бағыттары, инвестициялық мүмкіндіктер және өңірлік стартаптарды қолдауға бағытталған бағдарламалар туралы құнды ақпарат алды.

Кездесудің басты мақсаты – жастардың ІТ саласына деген қызығушылығын арттыру, кәсіби бағдар беру және цифрлық экономикадағы өзекті мәселелер мен мүмкіндіктермен таныстыру болып табылады.