Ақтөбе облысында онкопациенттерді басқару және сүт безі обырына скрининг: дөңгелек үстел өтті

2025 жылғы 7 тамызда М. Оспанов атындағы Батыс Қазақстан медицина университетінің Медициналық орталығында «Ақтөбе облысындағы онкопациенттерді маршрутизациялау» тақырыбында дөңгелек үстел өтті. Іс-шарада сүт безі обырына скрининг жүргізудің өзекті мәселелері де талқыланды.

Рентгенолог Уналбаева Лариса Ситманқызы маммография суреттерін көрсетіп, зерттеу жүргізу кезінде сүт безін дұрыс орналастыру әдістері мен техникаларын кеңінен түсіндірді. Бұл маммография сапасын арттыруға бағытталған тәжірибелік біліммен бөлісуге мүмкіндік берді.

Дөңгелек үстел жұмысына келесі мамандар жетекшілік етті:

- Ақтөбе облысының штаттан тыс бас гинекологы — Акатаева Анар Нағашыбайқызы
- штаттан тыс бас онколог-маммолог — Бағжан Зибагүл Сайранқызы
- онкологиялық қызмет координаторы — Уразаев Олжас Нурланұлы
- СКДО меңгерушісі, рентгенолог — Уналбаева Лариса Ситманқызы

Кездесу мамандар арасында тәжірибе алмасу мен онкологиялық көмек сапасын жақсартуға бағытталған маңызды алаң болды.