Көпбейінді облыстық аурухананың медбикелеріне арналған семинар

Көпбейінді облыстық ауруханада орта медицина қызметкерлеріне арналған оқыту семинары өтті.

Семинардың мақсаты — кәсіби білімді жаңарту, пациенттердің қауіпсіздігін арттыру стандарттарын жетілдіру және заманауи тәсілдерді практикалық қызметке енгізу.

Семинар аясында келесі тақырыптар жан-жақты қарастырылды:

🔹 Биоматериалды жинау және тасымалдау — пациентті дайындау ережелері, пробиркаларды дұрыс таңбалау, зертханаға уақытылы әрі дұрыс жеткізу шарттары еске салынды. Бұл — нақты нәтижелер алып, дұрыс диагноз қою үшін аса маңызды.

🔹 Пациентті сәйкестендіру — медициналық манипуляциялар алдында пациенттің жеке басын нақты анықтау қағидаттары талқыланды. Бұл талдау алу мен емшаралар барысында қателіктердің алдын алуға мүмкіндік береді.

🔹 Пациенттердің қауіпсіздігін қамтамасыз етудегі халықаралық мақсаттар — ДДСҰ ұсынған негізгі бағыттар талқыланды. Атап айтқанда, медициналық ұйымдарда тиімді коммуникация жүргізу, пациенттің құлауын болдырмау, дәрі-дәрмектерді дұрыс қолдану және инфекциялардың алдын алу мәселелері қозғалды.

🔹 ЭКГ-ны (электрокардиограмма) талдау алгоритмдері — ЭКГ-ны оқу кезінде қолданылатын негізгі және кеңейтілген тәсілдерге ерекше назар аударылды.

Семинарға қатысушылар белсенді түрде сұрақтар қойып, тәжірибелерімен бөлісті және күрделі клиникалық жағдайларды бірге талқылады.

Барлық қатысушылар маңызды білімдерін жаңартып, нығайтты. Бұл болашақта диагнозды нақты қоюға және пациенттерге көрсетілетін көмектің сапасын арттыруға ықпал етеді.

Аурухана басшылығы семинарға қатысқан барлық мамандарға алғыс білдіріп, семинарда ұсынылған жаңашылдықтар күнделікті тәжірибеге кеңінен енгізілетінін атап өтті.