Шалғай ауылдарда онкологиялық ауруларды ерте анықтау жұмыстары жүріп жатыр

«Денсаулық жолы» жобасы аясында Марат Оспанов атындағы БҚМУ Медициналық орталығы шалғай аудандардың тұрғындарына арналған мобильді тексерулерді жалғастыруда. Жол талғамайтын арнайы кешендер ауыл-ауылды аралап, тұрғындарға тегін компьютерлік томография мен маммография қызметтерін ұсынып отыр.

Бұл тексерулер медициналық сақтандыруы жоқ азаматтарға да қолжетімді. Жобаның басты мақсаты – қауіпті дерттің алдын алу, яғни онкологиялық ауруларды ерте сатысында анықтау. Уақытында жасалған диагностика – өмірді сақтап қалудың ең маңызды қадамы.

Онколог-дәрігерлер кеңесі: «Обырдың алғашқы белгілері байқалмауы мүмкін. Сол себепті скринингтен уақытылы өту – сіздің және жақындарыңыздың денсаулығын қорғаудың сенімді жолы».

Видеода көрсетілген – Айтекебий ауданына жасалған сапар. Бір күнде 50-ден астам адам тексеруден өтті.

Онконасторожендік бойынша жұмыс өңірде жалғасып жатыр.