Ақтөбе облысында жұмысшы мамандықтарына бөлінген орындар саны екі есеге артты

 

Ақтөбеде өткен дәстүрлі тамыз конференциясында өңірдің білім саласындағы жаңа жоспарлар мен жетістіктер айтылды. Облыстық білім басқармасының басшысы Бұлбұл Күзембаева Жұмысшы мамандықтары жылы аясында кадрлар даярлау бағытындағы жаңалықтарымен бөлісті.

«Мемлекет басшысы атап өткендей, жаңа буын жұмысшы кадрларын – заманауи, мобильді әрі бәсекеге қабілетті мамандарды даярлау – бүгінгі күннің басты міндеттерінің бірі. Осы бағытта Ақтөбе облысында білім берудің үздіксіз жүйесі „Балабақша – мектеп – колледж – өндіріс“ қағидаты бойынша дамып келеді», – деді басқарма басшысы.