Ақтөбе облысына Қазақстан Республикасының Оқу-ағарту бірінші вице-министрі Майра Мелдебекова жұмыс сапарымен келді.

Сапар барысында ол өңір педагогтерымен кездесті. Іс- шара «Келешек мектептері» ұлттық жобасы аясында салынған №79 орта мектеп базасында өтті.

Педагогикалық қауымдастықпен өткен кездесуде Майра Мелдебекова Ақтөбе облысы білім беру жүйесінің жоғары әлеуетін атап өтіп, білім сапасын халықаралық деңгейде бағалау – PISA халықаралық зерттеулері мен алушылардың білім жетістіктеріне мониторингінде тоқталды.

«Ақтөбе облысы білім беру саласында тұрақты даму қарқынын көрсетіп отыр. Оқушылардың халықаралық зерттеулердегі жетістіктері өңір мұғалімдерінің кәсіби біліктілігін және жоғары дайындық деңгейін дәлелдейді», – деп атап өтті бірінші вице-министр.

 Сонымен қатар Майра Мелдебекова білім беру процесін цифрландыру және жасанды интеллектті енгізу мәселелеріне айрықша назар аударды. Оның айтуынша, цифрлық сауаттылықты дамыту мен инновациялық шешімдерді пайдалану білім беру сапасын арттыруға бағытталуы тиіс.