БІЛІМ КЕЛЕШЕГІ: АДАЛ АЗАМАТ-КӘСІБИ МАМАН» АУДАНДЫҚ ТАМЫЗ КОНФЕРЕНЦИЯСЫ ӨТТІ

Хромтау ауданында дәстүрлі тамыз конференциясы ұйымдастырылды. Жиынға аудан әкімі Нұрхан Тлеумұратов, Ақтөбе облысы білім басқармасының басшысы Бұлбұл Күзембаева, аудандық білім бөлімінің басшысы Шерхан Отаров, мектеп пен балабақша басшылары, ұстаздар және жас педагогтар қатысты.

Көрме барысында мұғалімдер мен оқушылар заманауи жабдықтарды пайдаланып, жаңа әдіс-тәсілдерді тиімді қолдана отырып өз тәжірибелері мен жобаларын таныстырды.

Шарада аудан әкімі Нұрхан Тлеумұратов ұстаздарды жаңа оқу жылының басталуымен құттықтап, бірқатар педагогтерді ауданның 90 жылдық мерейтойына арналған медальмен және Алғыс хаттарымен марапаттап, аудандық білім бөліміне су жаңа шағын автобустың кілтін табыстады.

Облыстық білім басқармасының басшысы Бұлбұл Бисембайқызы Күзембаева облыстағы білім беру жүйесінің негізгі бағыттары мен алдағы міндеттеріне тоқталды.

Аудандық білім бөлімінің басшысы Шерхан Отаров «Ауданның білім саласының жай-күйі мен жаңа оқу жылының ерекшеліктері» тақырыбында баяндама жасап, саладағы атқарылған жұмыстарды баяндады.