Біліп жүріңіз...

Электрондық үкімет сайты (www.egov.kz) салымшыларға анықтаманың екі түрін ұсынады:
1. Бірыңғай жинақтаушы зейнетақы қоры салымшысының (алушысының) зейнетақы жинақтарының (инвестициялық кірістерін ескере отырып) жай-күйі туралы ақпарат беру;
2. Зейнетақы аударымдары туралы анықтама алу.

Зейнетақы жинақтарының сомасы зейнетақы жарналарынан және инвестициялық табыстан құралады. Бірінші анықтамада Сіз инвестициялық табысты ескере отырып жинақтарыңыз жайлы ақпаратты біле аласыз, ал екінші анықтамада инвестициялық табыс көрсетілмейді, тек аударымдардың сомасы ғана беріледі. Тиісінше, екінші анықтамада жинақ сомасы аз болады.

www.egov.kz немесе www.enpf.kz сайттары және ENPF мобильді қосымшасында арқылы инвестициялық кірісті ескере отырып, үзінді көшірмені алуға кеңес береміз.
БЖЗҚ-дан алынған үзінді көшірме зейнетақы жарналары мен инвестициялық табысты толықтай қамтиды.