Бәкір Тәжібаевтың 100 жылдығына арналған дайындық жұмыстары талқыланды.

Аудан әкімі Айбек Купеновтің төрағалығымен ақын, драматург, сазгер Бәкір Тәжібаевтың туғанына 100 жыл толуына орай аудандық ұйымдастыру алқасының отырысы өтті.

Жиын барысында мерейтой аясында өткізілетін іс-шаралар жоспары талқыланып, оларды ұйымдастыру және үйлестіру мәселелері қаралды. Сонымен қатар мерейтойлық шаралардың мазмұнын байыту, тарихи-мәдени маңызын арттыру бағытында бірқатар ұсыныстар айтылды.

Отырыс қорытындысы бойынша жауапты мекемелерге нақты тапсырмалар жүктеліп, жұмыстарды уақытылы әрі сапалы атқару қажеттігі атап өтілді.