Заң мен тәртіп

Мемлекет Басшысының «Заң және тәртіп апталығы» акциясын іске асыру аясында 2025 жылдың 24-28 маусым аралығында аудан аумағында бірқатар шаралар өткізілетін болады.
Акцияның мақсаты - заңгерлік кеңес беру, көмек көрсету, заңдарды, қызметтерге қол жеткізу тәртібін түсіндіру және ауданның криминогендік жағдайына әсер ететін проблемалық мәселелерді анықтау.
Іс-шара шеңберінде азаматтарды олардың көп жиналатын жерлерде жеке қабылдау аудандық жергілікті атқарушы орган, аудандық прокуратура, полиция бөлімі, мемлекеттік кірістер басқармасы және басқа да уәкілетті органдар қызметкерлерінің қатысуымен 24.06.2025 жылы сағат 11-00 де Байғанин ауданы, Қарауылкелді ауылы, Барақ батыр көшесінде орналасқан «Тау» сауда үйінде, 25.06.2025 жылы сағат 10-00 де Байғанин ауданы, Қарауылкелді ауылы, Барақ батыр көшесінде орналасқан «Халыққа қызмет көрсету орталығында» жүргізіледі.