Жаппай тәртіпсіздіктер: қаза тапқандар саны белгілі болды

Қазақстанда төтенше жағдай кезінде 225 адам мәйітханаға жеткізілген, - деп хабарлайды Tengrinews.kz тілшісі.

ҚР Бас прокуратурасы мен ҚР Денсаулық сақтау министрлігі ҚР Президенті жанындағы Орталық коммуникациялар қызметі алаңында Қазақстанның қалаларында болған қайғылы оқиғалар кезінде зардап шеккендер мен қаза болғандардың саны туралы ресми мәлімдеме жасады.

ҚР Бас прокуратурасы қылмыстық қудалау қызметінің бастығы Серік Шалабаевтың айтуынша, елде тәртіпсіздіктер кезінде жалпы 4578 адам зардап шеккен, оның ішінде 4553 адам жарақат алған. Оның 3393-і құқық қорғау органдарының қызметкерлері.

"Бүгінгі таңда 4578 жәбірленуші анықталды, 4353-і жараланды, оның ішінде 3393 құқық қорғау органдарының қызметкері. ТЖ кезінде қаза тапқан 225 адам мәйітханаларға жеткізілді. Олардың бір бөлігі терактілерге қатысқан, ғимараттар мен құқық қорғау қызметкерлерінен шабуыл жасаған қарулы бандиттер. Қаза болғандардың ішінде 19 полиция және әскер қызметкері бар", - деді ол ОКҚ брифингінде.

Ведомство өкілдері бұл алдын ала деректер екенін атап өтті. Олар әлі де нақтыланады және өзгеруі мүмкін.

"Қылмыс жасады деген күдікпен 672 адам уақытша ұстау изоляторына жеткізілді, оның ішінде 446-сы сот санкциясымен қамауға алынды. Құжаттарды тексергеннен кейін және прокуратурамен ұстауға негіз болмағандықтан 100-ге жуық адам босатылды.

БП әр факті бойынша тиісті құқықтық баға беру арқылы мұқият зерттелетінін мәлімдеді.

Бүгінгі таңда жедел тергеу топтары 546 қылмыстық істі тергеуде, оның ішінде 44 - терроризм актілері бойынша, 34 - жаппай тәртіпсіздіктер бойынша, 15 адам өлтіру және басқалары", - деді ол.

ҚР Денсаулық сақтау министрлігінің қоғаммен байланыс департаментінің директоры Әсел Артакшинованың мәліметінше, 2,6 мыңнан астам адам медициналық көмекке жүгінген.

"265 адам ауруханаларда. Оның 67-сі ауыр халде. Қайтыс болған 225 науқастың 175-і медициналық ұйымдарда қайтыс болды", - деді ДСМ өкілі.

Толығырақ: https://kaz.tengrinews.kz/kazakhstan_news/jappay-tartpszdkter-kaza-tapkandar-sanyi-belgl-boldyi-332419/

Tengrinews (https://kaz.tengrinews.kz/kazakhstan_news/jappay-tartpszdkter-kaza-tapkandar-sanyi-belgl-boldyi-332419/)
Жаппай тәртіпсіздіктер: қаза тапқандар саны белгілі болды 15 қаңтар 2022, 21:15
Қазақстанда төтенше жағдай кезінде 225 адам мәйітханаға жеткізілген, - деп хабарлайды Tengrinews.kz тілшісі.