Биыл Наурызбек Нұржаубайұлы Раманқұловқа 90 жыл толып отыр. Осыған орай, облыстық халық шығармашылығы орталығының ұйымдастыруымен «Толғау да толғау сөздер бар» атты облыстық жыршылар байқауы өтті.
Байқаудың шымылдығы Наурызбек жыршының толғау-термелері жинақталған кітабының тұсаукесерімен ашылды. Байқаудың құрметті қонағы Наурызбек жыраудың ұлы Абай Раманқұлов пен маңғыстаулық жыршы Амангелді Сәңкібаевтар байқау қатысушыларына қазылық етті.
Байқау қатысушылары Наурызбек жыраудың, сондай-ақ Ақтөбе өңірінен шыққан ақын-жыраулардың терме-толғауларынан үзінділер орындады. 14 жыршының ішінен жарып шыққан талабы таудай 16 жастағы Жанерке Құттығай бас жүлдеге ие болды.
Сондай-ақ, байқаудың 1,2,3 жүлде иегерлері мен байқау қатысушылары арнайы дипломмен және ақшалай сыйлықпен марапатталды.