Ахмет Байтұрсыновтың 150 жылдығына орай аудандық мәнерлеп оқу сайысы өткізілді

Алға аудандық мәдениет, тілдерді дамыту, дене шынықтыру және спорт бөлімі және Алға аудандық орталық кітапхананың ұйымдастыруымен қазақ қоғамы мен мемлекетінің қайраткері, ағартушы ақын Ахмет Байтұрсынұлының 150 жылдығына орай "Ахмет Байтұрсынұлы-қазақ халқының рухани көсемі " атты аудандық байқау өтті.

Байқауға барлығы 14 қатысушы қатысты. Байқау 3 кезеңге бөлінді:
I кезең- Ахмет Байтұрсынұлының бір өленің жатқа айту.
II кезең - Ахмет Байтұрсынұлының аудармасынан бір өлең жатқа айту
III кезең - Ахмет Байтұрсынұлы ашқан жаңалық (слайд).

Аталмыш кеш аясында қатысушылар ақынның өлеңдерін нақышына келтіріп орындап, ағартушының ашқан жаңалықтары туралы тың деректермен бөлісті. Әділқазы алқасының шешімімен
I орынды -Оразбаева Мөлдір Ерболқызы (Алға қаласы, #3 Алға қазақ орта мектебі)
II орынды-Құрманбай Сайда Алтынбекқызы (Қарабұлақ ауылы)
III орынды-Серікбаева Жансая Русланқызы (Тоқмансай ауылы)
Жүлделі орын иегерлері диплом және де бағалы сыйлықтармен марапатталды. Сонымен қатар, бәйгелері оза шаппаған қатысушыларға ынталандыру сыйлықтары мен Алғыс хаттар табысталды.