Осыдан бірер ай бұрын ауылдық округтердегі әйелдер кеңесінің жұмысын жандандыру мақсатында аудандық әйелдер кеңесінің төрайымы Ерғалиева Бақыт Қарағұлқызы алғашқы велосапарын Есет батыр елді мекенінен бастаған болатын. Жоспарлы кездесуін жалғастыру мақсатында Бақыт Қарағұлқызы кезекті велосапарын аудандық балалар кітапханасының меңгерушісі Ақшолпан Әбдіхалыққызымен Отбасы күніне орай Бестамақ елді мекенінде жалғастырды. Ауыл тұрғындарымен кездесу сәтінде оларды Отбасы күнімен құттықтай отырып, отбасындағы береке-бірліктің бастауы аналар мен салауатты өмір салтының бірі-велосипедтің адам денсаулығына пайдасы туралы айта келіп, өмірдің мәні,өзін-өзі тану бағытындағы отбасы құндылықтарын айқындайтын тақырыптарда сұқбат жүргізіліп, ауыл тұрғындарының ыстық ықыласына ие болды. Кездесу соңында ақын ағамыз Ізтай Мамбетұлының "Көктемір" дастанын 7 класс оқушылары Бахуадин Малика мен Амандық Аида жатқа оқып, Ақшолпан Әбдіхалыққызы дастан кейіпкері Сапура жайлы керемет ақпаратпен бөлісті.
Әңгімелесу барысында жаңадан ауыл әйелдері кеңесінің төрағасына белсенді, тарих пәнінің ұстазы Роза Маратқызы сайланды.