Алға ауданы жасыл желекке бөленуде

«Таза Қазақстан» жалпыреспубликалық экологиялық акциясы аясында ауданымызда кең ауқымды ағаш отырғызу шарасы ұйымдастырылды.

Игі бастамаға аудан әкімі Асланбек Шүйіншәлиев арнайы қатысты. Тал егу жұмыстары Алға қаласындағы жаңадан бой көтеріп жатқан «Тәуелсіздік» сквері мен «Шәкен Ишан» мемориалдық кешенінің маңында жүргізілді.

Экологиялық шараға мекеме басшылары, ауыл тұрғындары және «Жасыл ел» еңбек жасағының белсенділері атсалысты. Бұл қадам жас ұрпақтың табиғатқа деген сүйіспеншілігін оятып, экологиялық мәдениетін қалыптастыруға септігін тигізеді.

Ауданды абаттандыру жұмыстары мұнымен шектелмейді, алдағы уақытта да жүйелі түрде жалғасатын болады. Барша тұрғындарды туған өлкемізді түлетуге үлес қосуға шақырамыз!