«Бала дауысы» аудандық балалар шығармашылығы байқауы өтеді

2026 жылғы 11 сәуір күні сағат 10:00-де №1 Алға орта мектебінің акт залында балалар шығармашылығына арналған «Бала дауысы» аудандық байқауының қалалық іріктеу кезеңі өтеді.

Аталған байқаудың мақсаты – жас таланттарды анықтау, балалардың шығармашылық қабілеттерін дамыту және өнерге деген қызығушылығын арттыру.

Байқауға келесі жас ерекшеліктері бойынша қатысушылар қатыса алады:

• Кіші топ — 5–7 жас

• Орта топ — 7–9 жас

• Жоғарғы топ — 10–13 жас

Байқау келесі бағыттар бойынша өткізіледі:

1. Эстрадалық вокал

2. Дәстүрлі ән, жыр-терме өнері

Байқау шарты бойынша әр қатысушы 1 (бір) шығармадан орындайды.

Барлық өнер сүйер қауымды жас таланттарды қолдауға шақырамыз!