Қайнар ауылында ветеринарлық пункт құрылысы басталды

Қайнар ауылында ветеринарлық қызметтердің сапасын арттыру мақсатында жаңа ветеринарлық пункттің құрылысы басталды. Нысанның жанына мал дәрігерлері ветеринарлық шаралар жүргізе алатын арнайы мал қамақ (қоршаулы алаң) орнатылады.

Аталған жоба – мал шаруашылығымен айналысатын ауыл тұрғындары үшін маңызды шешімдердің бірі. Қазіргі таңда ветеринарлық қызметтің қолжетімділігі мен тиімділігі – ауылдағы басты мәселелердің бірі болып келеді.

Жобаның тапсырыс берушісі — "Ақтөбе облысының ветеринария басқармасы" мемлекеттік мекемесі.

Мердігер: "Shym Stroy" ЖШС.

Құрылысты аяқтап, нысанды 2025 жылдың қыркүйек айында пайдалануға беру жоспарланған.

Ветеринарлық пункт іске қосылғаннан кейін ауыл тұрғындарына уақытылы, сапалы және қолжетімді ветеринарлық көмек көрсетілетін болады.