Қоғамдық қауіпсіздік — ортақ іс: Алға қаласында жастар мен полиция күш біріктірді

Алға ауданы Жастар ресурстық орталығының мамандары аудандық полиция бөлімі ұйымдастырған саптық жиынға белсенді түрде қатысты. Шара барысында тәртіп сақшылары сапқа тұрып, қоғамдық тәртіпті сақтау, құқықбұзушылықтың алдын алу және тұрғындардың қауіпсіздігін қамтамасыз ету бағытындағы міндеттерге тоқталды.

Жиынға жастар ресурстық орталығы мамандары арнайы қатысып, құқық қорғау органдарымен өзара бірлесе жұмыс істеудің маңыздылығын атап өтті. Мұндай кездесулердің басты мақсаты – жастардың құқықтық мәдениетін арттыру, патриоттық сезімін күшейту және қауіпсіз қоғам құру жолында бірлесе еңбек ету.