Сарықобда ауылдық округінің мектеп кітапханасындағы заманауи технологиялар.

Сарықобда ауылдық округінің орта мектебінің кітапханасында «Мобильді кітапхананы жүктеп ал да, оқы» тақырыбында танымдық шара өткізілді. Шараның мақсаты – оқушыларды заманауи ақпараттық технологияларды тиімді пайдалануға баулу, кітап оқуға қызығушылықтарын арттыру және ғылыми-мәдени көзқарастарын кеңейту.

Шара барысында кітапханашы Калараш Лариса Борисовна оқушыларға модельдік кітапхананың ерекшеліктерін таныстырып, QR-код арқылы әдеби кітаптарды жүктеу жолдарын көрсетті. Сонымен қатар оқушылар сүйікті шығармаларын жүктеп алып, кез келген уақытта оқу мүмкіндігі туралы ақпарат алды.