Ауыл тұрғыны «Ауыл аманаты» бағдарламасы аясында жеңілдетілген несие алды

      2025 жылы  Бестамақ ауылының тұрғыны Курманалин Жумажан «Ауыл аманаты» бағдарламасы аясында қой шаруашылығын дамыту мақсатында жеңілдетілген несие алып, жеке кәсіпкерлік қызметін бастады.

    Жобаның негізгі мақсаты – ата кәсіпті жаңғырту, ауыл шаруашылығы өнімдерінің көлемін арттыру және ауыл тұрғындарының табысын көбейту.
      Бағдарлама шеңберінде көрсетілген мемлекеттік қолдау нәтижесінде кәсіпкер мал басын көбейтіп, шаруашылықты кезең-кезеңімен дамытуға мүмкіндік алды. Аталған жоба ауылдық жерде тұрақты табыс көзін қалыптастыруға, жаңа жұмыс орындарын құруға және өңірдің әлеуметтік-экономикалық дамуына оң ықпал етуде. «Ауыл аманаты» бағдарламасы ауыл халқының кәсіпкерлік белсенділігін арттырып, ауылдың әлеуетін тиімді пайдалануға бағытталған маңызды бастамалардың бірі болып табылады.