Алға қаласы әкімі аппараты

Алға қаласы-Ақтөбе облысы Алға ауданының орталығы.

Алға қаласы 1912 жылы Ақтөбе қаласынан оңтүстікке қарай 45 шақырым жерде темір жол бойында № 44 разъезд ретінде құрылды. 1930 жылдардың басында разъезд Алға Теміржол вокзалы деп аталды. 1933 жылдан бастап Алға станциясы ауданның экономикалық және әкімшілік орталығына айналды. 1961 жылы Алға қала мәртебесін алды.

Аудан орталығы - Алға қаласы Республикалық маңызы бар облыстық орталыққа автомобиль жолдарымен және теміржол магистралімен қосылған. Аудан орталығында қаланы батыс және шығыс бөліктерге бөлетін теміржол бар. Қаланың шығыс бөлігінде Елек өзені ағып жатыр. Аудан орталығы басқа ауылдармен жергілікті автомобиль жолдары желісімен байланысты.