Ақтөбе облысында ауа райының қолайсыздығына байланысты республикалық маңызы бар автожолдарда қозғалыс уақытша жабылды

Ақтөбе облысында ауа райының қолайсыздығына, атап айтқанда қар мен боран салдарынан көріну деңгейінің күрт төмендеуіне байланысты республикалық маңызы бар автожолдарда қозғалыс уақытша жабылды.

Шектеу енгізілген учаскелер:
• Ақтөбе – Қарабұтақ – Қызылорда — барлық көлік түрлері үшін
• Ақтөбе – Атырау — барлық көлік түрлері үшін
• Қандыағаш – Ембі – Шалқар – Ырғыз — барлық көлік түрлері үшін
• Ақтөбе – Әлімбет (Орск) — жүк және қоғамдық көлік үшін
• Ақтөбе – Орал — жүк және қоғамдық көлік үшін
• Ақтөбе – Мәртөк – РФ шекарасы («Жайсаң» өткізу бекеті) — жүк және қоғамдық көлік үшін

Жүргізушілерге жолға шықпай, қауіпсіздік шараларын қатаң сақтау және қозғалыстың қайта ашылуы туралы ресми ақпаратты қадағалап отыруға кеңес беріледі.