Болашаққа инвестиция: кәмелетке толған қазақстандықтар "Ұлттық қор – балаларға" бағдарламасы бойынша 22,29 млн доллардан астам қаражат пайдаланды

Болашаққа инвестиция: кәмелетке толған қазақстандықтар «Ұлттық қор – балаларға» бағдарламасы арқылы 22,29 млн АҚШ долларынан астам қаражат пайдаланды

2025 жылғы 1 қазанындағы жағдай бойынша, бағдарламаның іске қосылған сәтінен (2024 жылғы 1 ақпаннан бастап) уәкілетті оператор жалпы сомасы 22,29 млн АҚШ долларынан астам болатын 156 956 өтінімді орындады. Қаражат кәмелетке толған азаматтардың тұрғын үй жағдайын жақсартуға және білім алуға ақы төлеуге бағытталды.

🏡 Тұрғын үй жағдайын жақсарту

Барлығы 98 046 өтінім орындалып, жалпы сомасы 14,14 млн АҚШ долларын құрады, оның ішінде:

• 13,85 млн АҚШ доллары – тұрғын үй құрылыс жинақ салымдарын толықтыруға (95 786 өтінім);

• 101,44 мың АҚШ доллары – ипотекалық несие бойынша бастапқы жарна төлеуге (755 өтінім);

• 69,88 мың АҚШ доллары – азаматтық-құқықтық мәміле арқылы тұрғын үй сатып алуға (553 өтінім).

🎓 Білім алу ақысы

Барлығы 58 910 өтінім орындалып, жалпы сомасы 8,15 млн АҚШ долларын құрады, оның ішінде:

• 7,38 млн АҚШ доллары – Қазақстандағы оқу ақысын төлеуге (52 574 өтінім);

• 527,67 мың АҚШ доллары – білім беру жинақ салымдарын толықтыруға (4 477 өтінім);

• 194,54 мың АҚШ доллары – шетелде оқу ақысын төлеуге (1 526 өтінім).