"Айгөлек" балабақшасы күрделі жөндеуден кейін пайдалануға берілді

"Айгөлек" балабақшасы 1987 жылы салынған болатын. Әбден тозығы жеткен ғимарат биыл күрделі жөндеуден өткізіліп, пайдалануға табысталды. Жөндеу кезінде жарықтандыру жүйесі мен жылыту жүйелері сапалы түрде жаңғыртылды. Сондай-ақ, кәріз жүйлері де іске қосылып, балалардың қол жуу бөлмелері бүлдіршіндерді ғана емес ата-аналарды да қуантып отыр. Жөндеу жұмыстары тамыз айынан басталып, қараша айының соңғы жартысында толық аяқталды.  Балабақша елу балаға арналған, қазірдің өзінде қырықтан астам бүлдіршін тәрбиеленіп отыр.