«2025 жылға арналған Степногорск қаласы бюджетінің атқарылуы туралы жылдық есепті бекіту»

        Ақмола облысы бойынша тексеру комиссиясының мүшесі М.Х. Рахимжанов 2026 жылғы 22 мамырда Степногорск қалалық мәслихатының кезекті сессиясына қатысып, онда 2025 жылға арналған Степногорск қаласы бюджетінің атқарылуы туралы жылдық есепті бекіту мәселесі қаралды.

        Степногорск қалалық мәслихатының сессиясында тиісті баяндамамен қала әкімі Касенов Г.К. сөз сөйледі.

        Депутаттардың назарына 2025 жылға арналған Степногорск қаласы бюджетінің атқарылуы туралы есепке Ақмола облысы бойынша тексеру комиссиясының қорытындысы ұсынылды.

        Қорытындыда 2025 жылы қала бюджетінің атқарылуындағы негізгі проблемалық мәселелер атап өтіліп, қала бюджетінің кірістері мен шығыстарына талдау жасалды. Сонымен қатар, бюджетті атқару барысында бірқатар кемшіліктердің бар екені көрсетілді.

        Қала бюджетінің атқарылуын бағалау қорытындысы бойынша Тексеру комиссиясы Қазақстан Республикасының заңнамасы талаптарын, бюджет жүйесінің қағидаттарын сақтау, сондай-ақ бюджет қаражаты мен мемлекет активтерін тиімді пайдалануды қамтамасыз ету жөнінде ұсынымдар берді.

        Жалпы, қала бюджеті Ақмола облысы бойынша тексеру комиссиясының ескертулері мен ұсынымдарын ескере отырып бекітілді.