2026 жылғы 29 қаңтарда Ақмола облысы бойынша тексеру комиссиясының кезекті отырысында Білім басқармасына қарасты ведомстволық мекемелердегі мемлекеттік активтер мен бюджет қаражатының пайдаланылуына және жоспарлану тиімділігіне жүргізілген мемлекеттік аудиттің қорытындылары шығарылды.

Отырыс жұмысына Ақмола облысы білім басқармасы басшысының орынбасары Ж.Д. Назыкенова, Ақмола облысы әкімдігі ішкі аудит қызметінің бас инспекторы – мемлекеттік аудиторы Р.Р. Кәрімов, Тексеру комиссиясы жанындағы консультативтік-кеңесші кеңестің мүшесі Қ.Қ. Қасенов, сондай-ақ мемлекеттік аудитпен қамтылған нысандардың басшылары мен қызметкерлері қатысты.

Мемлекеттік аудит барысында бірқатар қаржылық бұзушылықтар, бюджет қаражатын (активтерді) тиімсіз пайдалану фактілері, сонымен қатар процедуралық бұзушылықтар, жүйелі проблемалар мен кемшіліктер анықталды.

Мемлекеттік аудит нысандары мен басқа да мүдделі тұлғалардың мекенжайына анықталған бұзушылықтарды жою туралы аудиторлық қорытынды мен нұсқамалар, сондай-ақ нормативтік-құқықтық актілерді жетілдіру және қарастырылып отырған саладағы басқару сапасын арттыру бойынша ұсынымдар жіберілді.