Ақмола облысы бойынша тексеру комиссиясында техникалық оқу өткізілді

        2025 жылғы 29 желтоқсанда Тексеру комиссиясының Төрағасы Қ.Б. Есмағамбетовтің төрағалығымен техникалық оқу жүйесіндегі кезекті сабақ өтті.

        Іс-шара аясында Құқықтық қамтамасыз ету бөлімінің бас маманы – заңгер міндетін атқарушы Е.М. Досанов баяндама жасады. Сабақ тақырыбы Мемлекеттік аудит және қаржылық бақылау объектілерінде анықталған бұзушылықтар сыныптауышының «Бюджет қаражатын пайдалану және оның есебі саласындағы бұзушылықтар» атты 2-бөліміне арналды.

        Техникалық оқу барысында бұзушылықтарды сыныптаудың негізгі аспектілері, бюджет қаражатын пайдалану және есепке алу кезінде жіберілетін типтік қателіктер, сондай-ақ құқық қолдану практикасының мәселелері қаралды. Сабаққа қатысушылар ұсынылған материалды талқылауға белсенді қатысып, пікір алмасты және қызықтырған сұрақтарын қойды.