2025 жылғы 26 тамызда Ақмола облысы бойынша тексеру комиссиясында техникалық оқу бойынша кезекті сабақ өткізілді.

Онда тексеру комиссиясының құқықтық қамтамасыз ету бөлімінің басшысы И.Х. Ғазизов тыңдаушылар назарына «Қазақстан Республикасының кейбір заңнамалық актілеріне астананы және республикалық маңызы бар қалаларды дамыту, ұлттық жобалар, кәсіпкерлік және мемлекеттік органдардың функцияларын оңтайландыру мәселелері бойынша өзгерістер мен толықтырулар енгізу туралы» 2025 жылғы 17 шілдедегі № 213-VIII Қазақстан Республикасы Заңы туралы баяндама жасады.

Сондай-ақ, тексеру комиссиясының жоспарлау, талдау және есептілік бөлімінің бас инспекторы-мемлекеттік аудиторы Н. Есей Қазақстан Республикасы Жоғары аудиторлық палатасының «Мемлекеттік аудит объектісінің жеке кабинетін» енгізу туралы баяндамасын таныстырды. Бұл жүйе сыртқы мемлекеттік аудит және қаржылық бақылау органдары мен мемлекеттік аудит объектілері арасындағы құжат айналымын бүкіл аудит іс-шарасы барысында автоматтандыруға мүмкіндік береді.

Сабақ соңында қатысушылар арасында пікір алмасу өтті.