18 тамыз 2025 жылы Ақмола облысы бойынша тексеру комиссиясының кезекті отырысында «Ақмола облысын дамытудың 2021-2025 жылдарға арналған жоспарын іске асыру тиімділігі» тақырыбындағы сараптамалық-талдау іс-шарасының қорытындысы шығарылды.

Отырыс жұмысына Ақмола облыстық мәслихатының депутаты, экономика және бюджет мәселелері жөніндегі тұрақты комиссияның төрағасы М.С. Қойшыбаев, сондай-ақ мемлекеттік мекемелердің басшылары қатысты.

Мүдделі тұлғаларға нормативтік-құқықтық актілерді жетілдіру және қаралған саладағы басқару сапасын арттыру бойынша ұсыныстар қамтылған сараптамалық-талдау қорытындысы жолданды.