Соттан тыс медиацияны одан әрі дамыту тұжырымдамасының жобасы әзірленді

Соттан тыс медиацияны одан әрі дамыту тұжырымдамасының жобасы әзірленді

Уәкілетті орган жанындағы медиация саласын жетілдіру бойынша ұсыныстар әзірлеу үшін жұмыс тобының отырысы өтті. Онда соттан тыс медиация институтын одан әрі дамыту тұжырымдамасының алдын ала жобасы талқыланды.

Жұмыс тобының отырысына медиаторлар ұйымдарының басшылары, кәсіби медиаторлар, орталық мемлекеттік және жергілікті атқарушы органдардың өкілдері қатысты.

Отырыс барысында Қазақстан Республикасы Мәдениет және ақпарат министрлігі Азаматтық қоғам істері комитетінің төрағасы Г. Сұлтанова: «Соттан тыс медиацияны дамыту құқықтық жүйенің тиімділігін арттыруға және азаматтық қоғамның дамуын қолдауға бағытталған негізгі стратегиялық бағыт», – деп атап өтті.

Жұмыс тобының мүшесі Шерзод Пулатов этномедитацияны қолдану аясын кеңейту қажеттігіне назар аударды.
Халықаралық медиация институтының директоры Жанар Үсіпбекова тұжырымдама жобасын әзірлеуге медиаторлар ұйымдарының қатысуына дайын екенін айтып, қолдау білдірді.

Отырысқа қатысушылар тұжырымдама жобасында ескерілетін ұсыныстар мен ұсыныстарды да талқыға салды.

Айта кетсек, министрлік медиация жүйесінің жұмыс істеуі мен дамуын қамтамасыз ету жөніндегі уәкілетті орган ретінде тұжырымдама жобасына ұсыныстар жинайды және сіздер оларды a.zhumagalieva@mki.gov.kz электрондық мекенжайына жібере аласыздар.

ҚР Мәдениет және ақпарат министрлігінің баспасөз қызметі